Nicolai Wergeland

Nicolai Wergeland
Fødd	9. november 1780 Hosanger
Død	25. mars 1848 (67 år)
Statsborgar av	Noreg
Yrke	prest, teolog, politikar, skribent
Utdanna ved	Bergen Katedralskole
Ektefelle	Alette Dorothea Wergeland
Barn	Henrik Wergeland, Camilla Collett, Joseph Frantz Oscar Wergeland, Augusta Antoinette Wergeland Vedøe, Harald Titus Alexis Wergeland
Alle verv	vararepresentant til Stortinget (1824–1826) medlem av Riksforsamlinga på Eidsvoll (1814–1814)

Nicolai Wergeland (9. november 1780–25. mars 1848) var ein norsk teolog, skribent og politikar, kjend som ein av opphavsmennene til Den norske grunnlova.

Han var éin av i alt 14 prestar som var med i Riksforsamlinga på Eidsvoll i 1814 og gjorde ein stor innsats i konstitusjonskomiteen. Han møtte godt førebudd og hadde med seg eit grunnlovsframlegg i 100 paragrafar som i følgje historikaren Arne Bergsgård, var det det beste framlegget ved sidan av Adler-Falsens. Nicolai Wergeland skal vera opphavsmann til uttrykk som Lagting, Odelsting og Storting^[1]. Han er mest kjend i ettertid som far til Henrik Wergeland og Camilla Collett, men var sjølv uvanleg gåverik. Han tok ivrig del i samfunnslivet og var innblanda i dei fleste litterære og kulturpolitiske debattar mellom 1814 og 1840.

Nicolai Wergeland var fødd i Hosanger som son til Halvor Lasseson. Ved dåpen vart han gitt namnet «Niels Vergeland».^[2] Han døydde på Eidsvoll.

1. ↑ Odd Arvid Storsveen til Uniforum (Universitetet i Oslo)^{[daud lenkje]}, jf. òg Sverre Steen
2. ↑ Hosanger, Ministerialbok nr. A 2 /1 (1766-1793)